ഇന്നലെ വന്നത്
നീയായിരുന്നെങ്കില്‍
ഇന്ന് വരാതിരുന്നത്
ഞാനായിരുന്നു,
പപ്പാതിയായില്ലേ...?!?!?

(07..11..2013)

കടലെന്നുമോഹിച്ചു മുങ്ങി
അവളുടെ കണ്‍നീലയില്‍....

കടല്‍ച്ചൊരുക്കിലായ് ഞാന്‍!!!

(04..06..2013)

 

കാണാത്ത നിന്‍റെ

ശബ്ദത്തെ ഭോഗിച്ചു ഞാന്‍;

പെറ്റതിടിവാള്‍...!

(12.12.2011)

പ്രേമലേഖനം

ചെത്തിമിനുക്കി
അറ്റം കൂര്‍പ്പിച്ചെയ്തു,
അവളെക്കിട്ടി


(28.12.2011)

കോരിയൊഴിച്ചു,
പരത്തി മറിച്ചിട്ടു,
ദോശ മൊരിഞ്ഞു....

(14.12.2011)

അച്ഛന്‍ പറഞ്ഞുകൊടുത്ത്
അമ്മയെഴുതിയെടുത്ത്‌
പാതിരാത്രിയ്ക്കൊരു നാള്‍
പബ്ലിഷ് ചെയ്തതാണെന്നെ...

കൊള്ളിയണഞ്ഞു

പുകയൊതുങ്ങി,

ശേഷമൊരു കരിക്കട്ട !

തൂക്കക്കട്ടിയ്ക്കു സങ്കടം
താഴാന്‍ വിടുന്നില്ലെന്‍ തട്ട്,

അങ്ങേത്തട്ടിലെ കുന്നിമണി !

ചെവിയ്ക്കു പിന്നില്‍നിന്ന്
കിളി പറന്നു...
പറഞ്ഞ വാക്കും,
കിളീടെ പ്രാക്കും....

(09.12.2011)

മഞ്ഞച്ചരടില്‍
കെട്ടിത്തൂങ്ങിച്ചത്തു, നീ
ആലിലത്താലി

(30.06.2012)

മഴ പെയ്യുന്നു,

ഞാന്‍ മാത്രം നനയുന്നു,

പ്രണയമഴ...

(27..06..2012)

 

ജലനിരപ്പിന്‍
അടിക്കണക്കുകളില്‍
അടിപ്പെട്ട ജീവിതം...!

(13.12.2011)

സ്വര്‍ഗ്ഗത്തിരുന്നു
പ്രണയിക്കുന്നു, രണ്ടു
കട്ടുറുമ്പുകള്‍

(28.12.2011)

ഇറുത്തപ്പോള്‍ കണ്ണീരു പൊടിഞ്ഞു,
എണ്ണയിലിട്ടപ്പോള്‍ പൊട്ടിക്കരഞ്ഞു,
കറിയിലിട്ടപ്പോള്‍ വാടിക്കുഴഞ്ഞു,
കരയാന്‍ പിറന്നവള്‍ - കറിവേപ്പിലപ്പെണ്ണ്‍...

(29.10.2011)

എനിക്കു നിന്നെ

മടുക്കും വരെ മാത്രം

പ്രണയിക്കൂ നീ...

(11.12.2011)